海灣冰室 (Closed)

約咗朋友行荃灣Donki，喺樓下發現呢間新開嘅茶餐廳，餐廳都幾大，仲有幾張卡位，可以望海景🌊，感覺好舒服，朋友仲話有老番西貢海邊感覺😆。店員有禮健談，介紹我哋有乜好食，我好鍾意食烏冬，見到「✨XO醬叉燒炒烏冬，包餐湯或飲品$57」，即刻點呢個。烏冬份量都幾大，一上枱，已經聞到香噴噴，有好多好大塊嘅叉燒，配菜有椰菜、紅椒，面上還點綴了香蔥及芝麻粒，好味又抵食。仲有我最鍾意嘅港式濃滑奶茶☕️😋。朋友就點咗「🐟鐵板香煎龍利柳，配以蒜蓉汁及薯菜，都係飲熱奶茶$82」但朋友要求碟上，店員哥哥話冇問題。同埋加咗碟油菜+$20，一齊食。雖然係茶餐廳，但擺盤用心，整個賣相都幾靚，薯菜有煎蕃茄、沙律、翠玉瓜，好多蔬菜，感覺好健康。朋友話龍利柳外邊煎得都幾香口，魚肉好嫩滑。呢度坐得好舒服，一邊望住出面嘅景色，一邊食飯，好正。