Wingman (閣麟街)

Open Now

Now Closed

真係聽都未聽過，雞翼放題？今日本來陪同事去中環Wingman買外賣，因為佢哋嘅雞翼係慢煮後再炸，多汁脆皮，而且有多種味道，真係好好味。去到先知原來有放題食，望下餐牌，當然堂上任食最抵，三種價錢豐儉由人，因為我哋唔係好肚餓，所以擇左有三種味道包括：泰式甜辣醬、紐奧良香粉和黑芝麻海鮮蜂蜜嘅雞翼放題，呢款係沒有飲品，但餐廳都比咗冰水我哋飲！雞翼即叫即做，皮脆肉嫩。紐奧良粉雞翼：雞翼係乾身做法，紐奧良粉是用多種香料製成，用嚟醃雞翼好夾，雞翼皮脆肉嫩又入味，帶有少少辣十分惹味！泰式甜辣醬雞翼：這種是濕身做法，將雞翼炸好再淋上泰式甜辣醬，味道輕辣且帶甜酸味，開胃怡神，富地道泰式風味。灑上炸蒜更添美味！黑芝麻海鮮蜂蜜雞翼：三種味道比較，我最鍾意呢款濕身味道，甜甜的海鮮醬再加上蜂蜜相當好味！皮脆肉嫩又有黑芝麻可帶出香味，令人食不停口。一隻又一隻，一盤又一盤，都冇計過食咗幾多隻。還有其他好多特色口味雞翼想食，下次再來吧！