辦館 (KC100) (Closed)

無意中發掘到呢個舒服唔多人嘅好HEA處，餐廳以簡潔白色為主，環境闊落坐得幾舒服，假期可以同朋友嚟靜靜地傾下偈，落地大玻璃透日光，餐廳隔離仲有畫廊，真係可以hea一個下午喺下午茶時間嚟到，唔太肚餓揀咗tea set連埋野飲～黑松露炒蛋吐司⭐️⭐️⭐️黑松露味濃，炒蛋亦炒得啱啱好唔好老， 最緊要即叫即整～日式叉燒豬骨湯烏冬⭐️⭐️⭐️作為下午茶嚟講份量唔錯，叉燒夠入味，豬骨湯味濃，有家的味道。鮮奶抹茶⭐️⭐️⭐️整體牛奶味比較重，但又唔會蓋過抹茶味，而且甜度啱啱好，喺一個寧靜舒服嘅環境慢慢飲好寫意～人均消費：$40