麵匠風龍

Open Now

Now Closed

灣仔麵匠風龍每逢中午食飯時間，風龍都一定會大排長龍。 今日趁老細放假，提早偷走出嚟食風龍。中午十二點半過到嚟，啱啱好唔使排隊就可以入座。 呢度嘅拉麵選擇唔多，得三款。 我點咗個最普通嘅豚骨湯拉麵。拉麵上到嚟，望落冇乜特別， 得一片紫菜，少許蔥花同木耳絲。我用匙羹撈一撈咗個麵底，發現連糖心蛋都冇， 後尾先至知道原來單點拉麵係冇糖心蛋。拉麵採用幼麵，麵質偏軟， 食落去嗰時麵條索有湯汁，但又唔會過淋， 軟硬度啱啱好。 湯底較為清淡， 飲落唔會過鹹， 水準中上。不得不提既係佢嘅叉燒。佢呢度嘅叉燒係分碟另上，叉燒瘦肉為主，帶少許肥肉。整體煎得比較乾身。叉燒有一定厚度，咬落滲出少許油份，帶有醬油香味， 睇得出店家係叉燒上有下番一番功夫。拉麵埋單80蚊， 整體水準不俗。可惜灣仔區日式拉麵店林立， 呢個收費依個質素好容易畀同行比下去，cp值唔係咁高。