J-Dog (Closed)

午飯時間，在灣仔一帶搵野食，見到間熱狗店叫J-DOG，餐牌上的相好似幾靚，決定試一試。我挑了的套餐，可選「任何一款飯 + 任何一款6吋熱狗 + 罐裝飲品」，加$8仲可以升級9吋熱狗。是日，挑了鰻魚飯和Nori Dog。Nori Dog 9吋版，含紫菜、洋蔥、燒雞汁、沙律醬、雞肉熱狗。在熱狗上加上紫菜碎外觀算是特別，但吃起來的卻沒有甚麼分別，因為感覺不到紫菜味，都被濃烈的燒汁和洋蔥味搶掉。熱狗包被烘過，還算香口。鰻魚飯內，只有鰻魚碎，飯有少少硬，但鰻魚汁好好味。