香港仔茶餐廳 (Closed)

幾日前約曬成堆朋友出嚟飯聚 佢哋話想食打冷 但係帶咗我去茶餐廳到食? 原來每當去到差唔多夜晚嘅時段 香港仔茶餐廳嘅菜單 就會有平時嘅茶餐變咗打冷小菜😂😂 去茶記食小炒真係第一次裏面嘅裝修簡約 牆壁油上咗淡淡嘅薄荷綠 感覺舒服 而且環境都幾乾淨 唔錯先叫咗兩杯嘢飲解下渴先 菠蘿冰食就食得多啦 飲得嘅菠蘿冰味道尚算唔錯 有少少甜 不過裏面 有大量嘅菠蘿 可以醫一醫肚先話咁快就嚟咗碗肥牛撈麵 肥牛撈面有得揀唔同嘅醬汁 例如燒汁黑椒沙嗲等等 我就揀咗最傳統嘅沙爹醬汁襯返牛肉 食厭咗沙爹牛肉麵嘅朋友可以 試下呢碗 始終肥牛相比滑牛肉 容易進食得多 別有另一番感覺頭盤就有鹵水墨魚肉同埋紅腸 鹵水味好正 唔好睇到上面淨係得肉 下面亦都有啲爽脆嘅芽菜墊底不得不讚鹵水鵝片 好爽口不但止 肉質亦都好鮮嫩