老虎冰室

Open Now

Now Closed

今日夜晚唔想自己煮所以就去左V city搵嘢食，行行吓見到間老虎冰室，睇完個Menu都覺得可以試吓，間餐廳晚餐時段last order九點, 望吓隻錶都已經8:40所以就咋咋淋入去坐咗先！睇完想食蒸排骨飯，見佢跟餐加$38有菜食就嗌埋個菜，我個餐仲送嘢飲同埋湯。因為蒸嘢要即叫即蒸，所以都要等成20分鐘先有得食。睇落都幾豐富，同埋真係一個人都食唔晒，所以我就問餐廳攞咗個外賣盒打包其中一部份準備聽日做午餐。蔬菜係上湯菜心住得比較林，排骨就偏鹹咗少少但勝在份量足，呢度啲飯就真係比較乾身好似加唔夠水咁。埋單$136，真心講唔係平，如果喺出邊啲茶餐廳應該$70有找，但佢係開起商場度，再加上環境比較舒服所以都無得咁比較既。