Curry Box By Tim

不知不覺又做到3點3，見有點餓，於是便叫阿J 陪我去食個下午茶鬆一鬆。Office附近有間由桃花源開的輕食店我一直都未試過，店如其名，Curry Box ~ 主打咖哩食物。

自助食具 corner，非常整齊清潔。

分地面同閣樓兩層，閣樓那層十足電影PTU 食宵夜果種Feel。

下午茶餐有3款選擇，我點了咖哩魚蛋豬皮蘿蔔餐，跟熱檸水。等了約十分鐘先有得食，等待時八卦裝下個廚房，睇到廚房有order 後再重新煮熱個汁給客人，而不是"番叮" 及不會凍到"杰"哂，扺讚。

咖哩魚蛋豬皮蘿蔔

$25

咖哩魚旦豬皮籮白

$25

先講主角 ~ 咖哩汁; 夠熱同香濃，都幾辣吓，阿J 食咗啖即刻要飲水，我就好有衝動叫個白飯撈黎食，個汁好味。 魚蛋，細細粒，夠彈牙，味道就普通。

咖哩魚旦

蘿蔔 ~ 無渣香甜，香濃的咖哩汁滲透了蘿蔔，阿J 不停食。

咖哩蘿蔔

豬皮 ~ 夠哂爽口，但由於我向來偏愛食淋身食物，加上豬皮勁索汁，我個人就覺得麻麻。

咖哩豬皮

這裡的主角咖哩汁不錯，但整體價錢亦不便宜，下次會試下咖哩牛腩同咖哩雞。