可以試下佢個豬扒同牛肉、都話唔錯。
見早早地（早上10:30）可能未必要排、
就去試下啦😋😋
黎到門口、貼左大大小小好多明星合照、
係味真係咁好味、試下就知😆😆😆
大約11:00到達已開始要拎籌等位、
茶餐廳格局、都係快食快閃類型、
所以等了15分鐘左右就有位。
一貫扮懷舊冰室的裝修、鋪位不大、坐位比較擠迫、要背貼背、肩並肩的坐著。
雖然坐得不算舒服、但門口派籌及店內寫單送餐的服務員都好好態度。
澳牛特式服務係度係唔會搵到😂😂😂
沒有套餐供應、一律散叫。
除了水餃製作需時、兩碗麵及奶茶轉頭就送到。
豬扒煎蛋米 $49
首先隻煎蛋、半生熟蛋黃、但係煎到散左、唔算脆邊。
豬扒係厚切的、算幾大塊、唔知係落梳打粉太多還是貨源問題、肉質過鬆過軟、又或者我唔識欣賞、唔似食緊豬扒。
無牙婆婆食都唔成問題😂😂
唔知係味諗住客人食豬扒同蛋就夠飽、米粉既份量非常之小（可能我大食😂😂）
1
淨水餃 $37
大大粒水餃、材料有蝦、木耳、豬肉。
蝦夠爽口、豬肉沒有肥膩感、木耳爽脆。
整體算對得起個價錢。
唯一不合格的是、包水餃功夫不足、
有幾隻黎到時已經爆口了。
五香肉丁併煎蛋出前一丁 $37
味道同賣相實在普通過唔普通、所以相都無影😂
凍奶茶（少甜）$19
茶味奶味都唔算特別、一般茶記水準。
少甜都仲係好甜、不過呢個屬於個人口味、
不能作準😊😊
另外記係杯奶茶有3/4係冰、如果想飲多幾嗒、建議小冰。
總括來說、如果經過又諗唔到食咩又唔使排隊可以一試、至於回頭麻。。。。。。Ummm
其他同價錢但質素更好的應該會有好多選擇。
係味明星食慣好野呢、平民味道可能已經忘記左。
每次嘗試門口貼哂明星相既稱之為小店、一般同想像都有落差😌😌😌
