U@Cafe

今日去開佐敦個頭，食完午餐唔太飽想食個下午茶，去左呢間叫U@Cafe既地舖cafe，上次試過呢度既岩燒火焰吐司，阿爾卑斯山蛋糕，米芝蓮意大利芝士咖啡蛋糕，同野飲，感覺都唔錯。

餐牌同之前一樣，有岩燒火焰吐司，星級蛋糕套餐同野飲等等。野飲有咖啡，朱古力，茶同果茶。

岩燒火焰吐司

岩燒火焰吐司

上次食過岩燒火焰吐司覺得好正，今次要encore！岩燒火焰吐司賣相唔錯，有三塊吐司叠起，都好大份，用一隻好可愛既貓貓碟上枱。

岩燒火焰吐司

面頭係柚子皮同柚子醬，燒得外皮香脆，一切開，發現原來中間有肉鬆，香甜嘅柚子醬配鹹香肉鬆真係好夾，又鹹又甜，好滋味！隨碟附送四條玉桂味脆脆條，雖然滿是糖粉，但係唔會過甜。吐司可配飲品，配咖啡$60，而配茶就$56。

岩燒火焰吐司

朱古力開心果餅

係多款蛋糕款式當中叫左呢個朱古力開心果餅，係新口味，正價$52。

朱古力開心果餅

朱古力開心果餅

朱古力球體造型原來係朱古力外皮包住雲呢拿慕絲，中間仲有朱古力同開心果慕絲，蛋糕頂有金箔。下底就係一大層朱古力脆米餅底。味道方面主要係朱古力慕絲味道，如果朱古力脆米餅底可以更香脆就更好。隨碟附送四條原味脆脆條。

朱古力開心果餅

凍柚子蜂蜜，凍朱古力

凍柚子蜂蜜，凍朱古力

凍柚子蜂蜜正價$32，凍朱古力正價$38。兩杯都大大杯。凍朱古力香滑奶味重，凍柚子蜂蜜有清甜嘅柚子味，下底有好多柚子皮，兩杯飲品都唔算太甜。

北海道3.6牛乳布甸

$20

北海道3.6牛乳布甸 $20

北海道3.6牛乳布甸

$20

另外叫左個北海道3.6牛乳布甸。布甸好滑而牛乳味勁濃，牛乳味仲會留喺口腔一陣。

脆脆條

脆脆條有一包包賣，有原味，玉桂味同紫菜味。

呢度得幾張枱，座位唔多。不過今日靜靜地兩個人坐低食d野好舒服，服務員態度都非常友善。