肉餅哥小炒料理 (Closed)

好耐冇食肉餅哥， 突然間好掛住佢， 雖然路程不太順路，都特登走去探下佢，既然得自己一個人，外賣攞返屋企食吧，依舊係食我最鍾意嘅“金沙蛋黃煎肉餅配菜飯”， 急不及待跑回家。打開個飯盒， 未食已經香噴噴，一啖咬落去，鹹蛋黃依然起曬沙，味道香口，份量十足 ，而肉餅仍然厚身， 分量不減， 帶點肥肉，煎得香脆，味道非常惹味， 菜飯的菜粒依然沒有減少份量，值得一讚， 我自己覺得，吃整個飯都不需要落豉油， 因為配咗鹹蛋黃已經好夠味。例湯雖然凍咗，味道仍然不錯， 我…………我可能有少少鍾意咗佢。