擰壹檸手打檸檬茶 (Moved) New Location

雖然好日都冇去葵涌廣場 ，但都清楚知道葵涌廣場成日都有唔少新嘅店舖開張，特別係飲品店。 所以點少得最近大熱嘅手打檸檬店。 咁啱嚟嘅時候依間飲品店正正處於試業期，所以相對人流同飲品款式都冇咁多，但主打基本既款式還是有的。今次揀咗「安全」手打檸檬茶（$34） ， 手打檸檬茶嘅價錢一向都偏貴，大概因為係手打需要人手操作，所以人力都變咗係令嘢飲貴咗嘅原因之一。咁啱因為係試業期，讚好/follow 社交平台 if都有折扣 -8折 。雖然寫係叫安全手打檸檬茶，但係見到出飛其實係叫泰涼檸檬茶， 相信因為個茶底係依泰茶黎整， 純粹為左令個名特別啲。 飲落去都幾清涼 ，比想像中唔會太酸亦都唔會太甜，一如既往手打檸檬茶都係建議盡快飲用因為浸得來， 杯嘢飲就變苦。