Video
Read full review
2018-08-24
281 views
幾經辛苦，終於搵到間喺土瓜灣新開而我又想試嘅餐廳。揸車嚟到先發覺，原來成條街都係車房，心諗呢度會開餐廳？喺全條街都double parking嘅情況下，的確有啲氣餒好想走人，但奈何附近真係冇野想食，又唔想再search餐廳，於是我堅持左兜右兜，終於搵到車位！呢個時候再心諗，都幾辛苦先嚟到，如果食物唔好食，真係會嬲到想鬧人！嚟到門口，連個名都用紅色紙遮住，睇睇個menu，lunch係$58！再望一望入面，街坊客多，究竟呢間係搵兩個洋人喺度行行企企，扮餐廳嘅茶餐廳，定係正正經經做美食嘅餐廳呢？唔知點解，就係有一份堅持，好想試呢個唔知係茶餐廳定係餐廳嘅地方，好想知究竟你係人定鬼$58嘅set lunch有Egg benedict？！睇嚟都係中伏居多，肉醬意粉應該都係茶餐廳貨色。望望頭上嘅黑板，有貴啲嘅豬扒、牛扒及羊，不過第一次嚟，都係試啲平啲先啦，中伏都冇咁肉赤。再望望隔離檯，有碟芝士喺肉醬意粉旁邊嘅？！有位食完嘅街坊又話，個意粉好好味㗎！心諗，係咪做媒㗎？哈哈！Cappuccino (+$8)個樣得喎，啲泡質感綿密，係我鍾意嘅深炒咖啡豆味！放佢喺盆栽附近影相又幾得喎，由這一分鐘開始計起，我
嚟到門口，連個名都用紅色紙遮住，睇睇個menu，lunch係$58！再望一望入面，街坊客多，究竟呢間係搵兩個洋人喺度行行企企，扮餐廳嘅茶餐廳，定係正正經經做美食嘅餐廳呢？唔知點解，就係有一份堅持，好想試呢個唔知係茶餐廳定係餐廳嘅地方，好想知究竟你係人定鬼
$58嘅set lunch有Egg benedict？！睇嚟都係中伏居多，肉醬意粉應該都係茶餐廳貨色。望望頭上嘅黑板，有貴啲嘅豬扒、牛扒及羊，不過第一次嚟，都係試啲平啲先啦，中伏都冇咁肉赤。再望望隔離檯，有碟芝士喺肉醬意粉旁邊嘅？！有位食完嘅街坊又話，個意粉好好味㗎！心諗，係咪做媒㗎？哈哈！
Cappuccino (+$8)
個樣得喎，啲泡質感綿密，係我鍾意嘅深炒咖啡豆味！放佢喺盆栽附近影相又幾得喎，由這一分鐘開始計起，我覺得呢間係餐廳了！
Cappuccino
84 views
0 likes
0 comments
Egg benedict ($58)
兩隻蛋唔夠漲卜卜，扁咗啲，下面有煙三文魚，自家製醬汁夠杰，唔會稀到水咁。一路食一路讚，$58有egg benedict食，真係超抵！可惜只有一隻蛋做到流心效果，另一隻係全熟，另如果可以改善埋，咁就真係完美喇！
Egg benedict
$58
64 views
1 likes
0 comments
Mango and passion fruit slushy (+$10)
外面飲開嘅mocktail，最平都要$60一杯，呢度只要$30！Set lunch只要加$10就有得飲，咁當然要一杯試吓！原來係沙冰，老闆娘有問我鍾唔鍾意飲，否則可以為我整過杯。我一向唔鍾意沙冰，但今日就即管試吓。兩者味道好鮮甜，好refreshing！
肉醬意粉 ($58)
上菜時都嚇一嚇，份量超大，一大盤意粉上有一大堆肉醬，老闆娘仲要遞上一小碟新鮮cheddar cheese俾我加上去，實在太講究了吧！！！未食我已經話，真係不枉我堅持要嚟食，實在太有誠意喇！！！肉醬入面有菇、洋蔥、番茄及蒜等，味道適中唔會過鹹過甜，外面實在有太多肉醬意粉只係一味落茄膏，搞到成碟意粉都勁酸。但呢個肉醬嘅味道天然無添加，仲有少少辣味，加埋新鮮cheddar cheese實在非常惹味，份量多到撈到最尾都仲有得撈嚟食。最重要係，食完至到夜晚都完全冇口乾！雖然呢個肉醬意粉未必係完美，但絕對有自家製、天然、冇味精、而且超級抵食！
肉醬意粉
$58
19 views
0 likes
0 comments
肉醬意粉
$58
40 views
0 likes
0 comments
肉醬意粉
$58
44 views
0 likes
0 comments
Cappuccino soup (+$20)
未試過食完main dish之後返轉頭飲湯，但食完之後真係覺得好應該要試試佢個湯，所以叫個嚟飲吓。賣相細細杯好得意，黃色嘅湯上面有一層白色泡沫，入面有啲松子仁及番茄。再一次非常欣賞呢度嘅誠意，連set lunch嘅湯(雖然要加$20)都咁認真打層泡喺面，平時嗰啲求其一碗湯咋嘛！先試試啲泡沫，有啲煙燻味道，入口嗰吓有少少鹹香不過好快散，撈埋下層甘筍湯一齊飲，清甜得嚟又有啲煙燻味道作點綴，有層次有心思！
Cappuccino soup
$20
37 views
0 likes
0 comments
Cappuccino soup
$20
47 views
0 likes
0 comments
Cappuccino soup
$20
27 views
0 likes
0 comments
店內有兩位洋人，一位係大廚，另一位係店員，原來佢哋都係比利時人。截至8月24日，呢度只係開咗一個星期，所以menu都仲會繼續update。估唔到隱身喺土瓜灣車房街嘅一間小餐廳，竟然係咁有驚喜。同我講意粉好好味嗰位客人真係唔係媒嚟㗎！！！我亦都終於明白，點解呢度開始短短一個星期，已經有熟客仔食過番尋味。喺我一路食期間，見到老闆娘不停咁喺餐廳門口向途人作出介紹，不過因為聽完佢介紹而行入嚟幫襯嘅客人又好似冇喎！覺得有啲唏噓，咁有heart嘅餐廳竟然唔係座無虛席。所以我決定今晚就要為佢哋寫第一篇食評，推介呢個平靚正嘅lunch。真心希望呢度好快會客似雲來，做到冇停手！
快啲推出青口薯條，我等緊呀！！！
Post
