焼肉スマイル (燒肉smile)

Open Now

Now Closed

早幾個月喺台灣見到，原來佢喺台灣好火紅，當時唔識貨走漏眼，今次係 homeland 試吓呢個過江龍。呢度好易搵，朗豪坊對面麥當勞樓上。一行到入去聽到前台姐姐用 台灣國語 問吓你有冇訂位啊、幾多位哦 ….. 聽落幾舒服好多。台日大合併嘅裝修，佈局傾向一人一份餐點，或者一個人去嘅設計。一定要讚嘅，佢哋係用台灣嘅「月光米」，煙韌得來，粒粒分明，豐富嘅米香，要嚟餸燒肉就一流。每個餐都可以加無限沙律吧，抵沖咗燒肉嘅肥膩。呢度好多配搭實有一款啱你。我哋叫咗啲套餐，再隨心咁樣加咗啲 à la carte。佢哋啲肉全部都幾好，原來啲魚都唔錯。我哋點咗個 鱸魚菲力，肉厚嫩滑。