諾亞半熟蛋糕專門店 (Closed)

今日經過諾亞半熟蛋糕店，看到佢雪櫃內嘅蛋糕好精緻，唔係好大個，4個人食就剛好，價錢又合理。有6款選擇，我就選了Tiramisu熊仔頭蛋糕和買左一杯士多啤梨花茶。先講下講熊仔蛋糕，外形趣緻可愛，吸引到小朋友喜歡，從雪櫃拿出來再影一輪相後，時間剛好，因要等佢內面蛋糕溶化一下先，這樣先好味，當我切蛋糕時，發現原來是芝士蛋糕，低層係鬆軟牛油味蛋糕，中間是入口即溶嘅moose cake,都好好味，唔係好甜，但味道濃郁。致於果杯花茶，士多啤梨嘅飲品其實好難整得好飲，今次飲落又幾好，茶味中帶有士多啤梨嘅清甜味，都幾解渴。仲係用玻璃杯裝，可以循環再用。杯蓋上開了個小孔，呢樣嘢已代表店長細心又體貼。另外直得一贊，呢間餅店都好環保，例如店員會問你要多小時乾冰，因怕落得小，個蛋糕溶化了，落得多又會浪費。用來盛裝飲料嘅杯都係選用循環再用玻璃器皿，盛裝嘅蛋糕盆都可以日後來倒轉蓋好食物。連盛裝蛋糕盒你都可以保留，可以剪開上蓋，用膠紙貼住側面開口嘅地方，咁就變左個小箱子，因果盒外面設計得好美又可愛。