但係好可惜 我今日只可以湊到一隻腳 所以都係兩個人去hea下
我哋大家嗌咗個精選2人套餐Combo for 2:
一個十吋手拉薄餅 - 手拉西西里薄餅pizza
炸蝦餅一份
餐飲兩杯 - 小紅帽士多啤梨飲品 + 水果茶
意粉或飯一個 - 香辣虎蝦海鮮意粉
個SET都只不過係308蚊up, 爽呀! (追加項目另計)
先講蝦餅有六件 細細嚿入口
係開胃小菜之選 熱辣辣咁送上
慢慢慢慢一啖再加上泰式 甜酸醬
非常開胃令人流曬口水
之後就係我個 香辣蕃茄海鮮意粉
大大隻虎蝦擺喺頂 食落去非常煙韌有彈性
另外兩隻青口都唔錯 意粉非常暖笠笠
酸酸辣辣香香甜甜 魷魚非常彈牙
茄汁濃度適中 份量非常之啱 絕對係正點!
小紅帽士多啤梨奶昔
感覺好似食緊士多啤梨雪糕咁
因為杯奶昔 都幾滑口飲咗好多啖先至飲飲得曬
酸酸甜甜之餘 好有士多啤梨味 亦都唔會畀奶味遮蓋曬 非常之咁平衡
新鮮水果茶
一大壺嘅水果茶送到上嚟
佢哋講到明 天天同日日精選
所以我都唔知入面有咩生果
眼見有火龍果士多啤梨香橙同藍莓等
感覺飲上去非常清新可口 應該係全天然嘅冇加糖漿
所以飲落去非常之回味 仲正過食生果
加上有個火爐墊底 所以杯茶經常都會係暖暖嘅
啱曬女仔飲對身體好呀
佢哋都幾細心
水果茶嗰度佢哋有個網去隔住啲水果塞住個茶壺口
令到我哋每次沖茶嘅時候都感到無比嘅暢順呀
同埋真係唔同啲自家製嘅的確好啲
超必主打絕對係佢哋嘅手拉薄餅西西里PIZZA
火箭菜非常之新鮮 同埋份量都好多
爽口之餘仲好配合嗰個薄餅
薄餅係應該係手拉嘅 因為佢哋個個薄餅邊係鬆脆
薄餅底係鬆軟 所以佢哋嘅調教同局仔嘅手法非常之專業
同埋有技術性過好多薄餅專門店
芝士同辣肉腸嘅配搭非常之合適同埋突顯到西式薄餅嘅味道
如果以自家製薄餅嚟講 佢哋絕對係超水準
最後因為我哋食到好飽所以個杯水果茶飲唔曬
我哋都要求拎走佢哋職員都好好人畀咗個外賣杯我哋裝暖嘢
之後你仲有差唔多大半杯
可以拎住返去慢慢飲
今次嘅回憶希望喺環境好啲之後
我可以再返嚟重新感受多一次
部屋咖啡室 我認為絕對可以係一大班人過嚟玩遊戲 一路食一路chat
或者係三唔知己甚至乎兩小無猜過嚟HEA一個下午飲杯嘢唞一唞
