The Vibe Room (Closed)

最近登陸登龍街既the vibe room有招眼既storefront，店內同樣採用歐陸宮廷風式既裝潢設計，配搭籐織的座椅、圓拱門，充滿優雅既格調；菜式方面則融合左中西日東南亞嘅元素，創意滿分。𖦹 香辣墨西哥脆片包糠燒粟米 | 柚子蜜糖醬 $88粒粒粟米裹上墨西哥nachos碎，同時食到香甜嘅粟米以及香辣既脆片，連柚子蜜糖醬既味都好突出。𖦹 凍清酒味淋鮑魚 | 鮮蜆丨麻辣忌廉意粉 $168彈牙既鮑魚帶淡淡酒香，大蜆鮮甜，秘制嘅麻辣忌廉汁意粉比想像中更麻，愈食愈辣。𖦹 蟲草花野菌意大利飯 $158以竹筒盛載，意大利飯配搭中式嘅蟲草花，野菌味香濃。𖦹 鳳梨酥巴斯克芝士蛋糕＄68最驚喜係食到一絲絲嘅鳳梨，但就唔係心目中basque既軟滑，偏實。