不時行過朗豪坊見到 The Jeju 岩石特色門面好吸引，今次終於搵到機會試下佢地主打嘅 岩石板燒 同幾款地道韓式小食。
🔸 岩石板燒 (2-3人用) 罈子五花肉 450g
一上枱已經好吸引，五花肉厚切但油脂平均，店員會幫手燒，落鑊時「滋滋」聲超療癒。岩石板燒熱力夠均勻，燒出嚟既五花肉外脆內嫩，唔會太油膩，配埋生菜、蒜片同泡菜一齊食，好正宗韓味！
+部分可任添前菜
+ 炸醬拉麵
炸醬醬汁唔算太濃味，反而甜中帶鹹，有啲似家常味道，唔會好heavy，幾啱配燒肉中間轉個口味。
🔸 牛肉海帶湯
清甜無油，牛肉炆得好腍，海帶夠清新，飲完有暖胃感，食完燒肉再飲碗真係啱晒。
🔸 韓式芝士蒸蛋
蒸蛋入口滑，面層芝士微溶拉絲，蛋香同芝士味夾得好夾，份量都唔細，幾抵食。
🥤 漢拿峰百香果沙冰 & 芒果奇異果沙冰
夏天飲冰沙最啱！兩款都夠果味、唔會死甜。百香果帶微酸、醒胃解膩；芒果奇異果清新得嚟好順口，配埋重口味既燒肉一流。
整體嚟講，The Jeju 食物水準穩定，環境整潔，服務親切，價錢算幾親民，但係食材質素對得住價錢~
