寶哥火鍋 (Closed)

黎到旺角行下新商場，行完發覺呢度無咩啱食，見到對面有得打邊爐，上去睇下先，店不大，walk in基本上無枱了，但好彩我地早到，仲有最後一枱。$198一位，有海鮮盤同八款自選一次性食物，另外仲有蔬菜麵食等可以任食。雖然係新開的，但感覺很“傳統”的火鍋店。無醬料格，但店家提供的秘制醬汁勁正，微辣有蒜香。飲品非任飲，汽水都$10罐嘅時候，呢杯大檸樂好抵飲，$32蚊勁大杯。按人頭計的海鮮拼盤，魚肉嫩滑，蚌鮮甜，鮑魚爽口，整體也是鮮味的，不錯。湯底選了蕃茄薯仔湯，好濃郁的茄味，好飲，可惜之後加湯就不是加返茄湯，最後變成豬骨湯底，但味道也是很好啦，沒有越來越鹹就抵讚。肥牛幾靚呀！封門柳好濃牛味，正。手打丸彈牙爽口。雲吞水餃也不錯。唐生菜價錢幾抵吖，食物味道中規中矩，但上菜較慢，建議一次多點一些省卻等候時間。