TEATOP 第一味

Open Now

Now Closed

Teatop 係台灣人氣手搖茶品牌。知道佢喺元朗開設第一間香港店，今日經開，就同另外兩個朋友一齊買嚟飲。聽職員講，佢哋係跟台灣本店配方來製作茶飲，所以應該係同台灣飲嘅味道係一樣。紅豆粉粿鮮奶：呢個因為佢用咗黑糖，所以甜度係冇得加減。紅豆質感仲保留住小小咬口，唔會太腍修修。粉粿嘅質感似啫喱。紅豆同粉粿加埋喺鮮奶度，口感豐富。而鮮奶再加埋黑糖，味道都好夾。飲完呢杯嘢覺得好飽好滿足。百香鮮QQ ：百香果汁酸酸may may, 感覺消暑開胃。因為珍珠同椰果今日都賣晒，所以我哋轉咗綠茶凍同埋芋圓。芋圓軟硬度適中，唔覺得銀胃。綠茶凍質感滑捋捋，帶綠茶香味。轟蜜108茶王：呢杯都有滑捋捋同帶綠茶香味嘅綠茶凍喺入邊。果然係108茶王，茶味香濃，入口順滑。飲落感覺解膩，舒服。