媽咪lunch時間打電話黎
表示今日下午好想食tea buffet
孝順女即刻上網search睇下有咩地方選擇先
發現閒日要食Tea buffet既選擇
真係唔算多!
最後都係揀返佢
紅磡海逸酒店 既 Promenade
其實之前黎過好多次
貪佢地點方便就腳
食物選擇多
尤其以tea buffet黎講 , 真係贏曬 !
如果早訂位 , 訂到窗邊位
仲可以欣賞到無敵海景添
Promenade地方好大
望到海景 , 樓底又高
食野感覺都relax d呀
首先黎自製一個清心沙律先
有我最愛既士多啤梨芒果
羅馬生菜加凱撒沙律醬
好fresh
海蝦大大隻
夠爽口又鮮味
最怕食到既淡而無味既雪藏蝦
有叉做對比 , 睇下幾大隻
一隻隻食落去 , 滿足 !
港人(包括我)最愛既三文魚
睇相都見到油花幾靚 , 肥美 !
無人排隊既時候
刺生待應姐姐仲好親切咁問我咁樣夠唔夠
態度窩心
另外佢仲有吞拿魚 , 八爪魚 , 醋青魚 , 玉子 ...
不過我個肚容納唔到咁多就無試到
蝦餃 , 味道不錯
仲有魚肉燒賣
不過我興趣不大
食左佢既buffet好多次
最鐘意佢會經常轉下唔同既主題
今次好好玩
熱辣竦既暑假
整一大盤刨冰
同埋好多種新鮮生果 , 刨冰配料係度
客人可以親手泡制
自己最愛既刨冰
唔好講放緊暑假既小朋友見到好開心
我同媽咪依種大朋友都好雀躍
要一人整返杯飲
嗯嗯
果然自己整既係最好味既 , 哈哈
最愛西瓜 ,好甜
食左兩round
Promenade既甜品好多款式
中西加埋起碼有廿幾款
榴槤pancake對我黎講太甜
唔係我杯茶
Tiramisu夠滑唔太甜
最出名既一定係佢地既芒果拿破崙
拿破崙夠香脆
芒果香甜
整體不甜又不膩
真係好食
對上一次去食lunch buffet
我準備去拿拿破崙
點知無曬我同幾個食客都覺得失望
其中有位食客去問職員會唔會再出
職員表示今日拿破崙已沽清
經理無意間聽到後
訓話負責果位職員預貨不足
經理話唔想讓客人覺得失望
我覺得今時今日有依種認真服務既態度好難得
就算最後都係食唔到拿破崙
心裡面都會為依度同果位經理加分
最後再同媽咪share埋依個藍梅cheese cake
同哈根大師雪糕我地就飽到不行了
仲要讚一讚依度
哈根大師除左每次有朱古力 , 士多啤梨 , 牛奶 , 曲奇 ...依d基本款選擇
仲會有最新出既口味可以揀
今次係奶茶口味
對上一次黎係食流心朱古力
鐘意食哈根大師既絕對好易回本
另外仲有自選青口 , 生滾粥 , pizza , 串燒
炸物 , 楊枝金露 , 豆腐花 , 中西湯
橙汁 , coffee or tea .......
今次buffet原價218 + 10%
openrice長期有八折coupon優惠 (記得要print out先用到)
咁多野食選擇 , 咁好既環境同服務態度
折後價錢每人唔使$200
