La Postre (厚福街) (Closed)

今晚去左尖咀美食集中地厚福街既呢間西班牙風既餐廳。門面好有外國風情。餐廳內部都好寬敞，有大幅既西班牙街景圖，大玻璃窗甚有高級既氣派。由於我地都唔係太肚餓，決定食西班牙最出名既tapas作為今晚既主食。先黎兩杯cocktail，Sea Sparkle，有淡淡既蜜糖加上少少檸檬，配埋梳打，curacao唔算好搶口，但飲飲下都有D wingwing地，幾過癒。Last Present，氣酒配上桃，菠蘿，橙等等比較鮮甜帶上少少酸味既水果，令到成杯野有fresh既感覺。頭盆黎個西班牙番茄凍湯，番茄味極濃唔需要多解釋，帶子煎到外脆內軟。我地一共叫左5x2 tapas。風乾火腿鮮番茄海鮮芒果醬番茄莎莎鮮蝦蘑菇配忌廉芝士慢煮雞胸蒜香甜辣椒仔配番茄個人覺得鮮蝦蘑菇配忌廉芝士最好食，呢個組合本身已經係冇得輸，配上脆卜卜既多士，係完美既配搭。最後我地仲叫多左個抹茶麻糬waffle，waffle既熱混合雪糕既凍，有衝擊感。同埋估唔到咁大份。