Video
Read full review
2022-08-06
541 views
一直鍾愛大角咀小店，皆因大部分都幾高質，特別係依幾年利奧坊既出現，附近亦越黎越多新餐廳。新鮮滾熱辣開張既依間餐廳，門面望落無乜特別，但食完就知佢地係一間用心出品既小店😋墨西哥沙律 $118第一次食彩色既栗米片，配上蟹肉，牛油果，芒果，蕃茄莎莎等食材，成個配搭好有層次，味道豐富得黎好清新🌿而且五顏六色視角上亦好吸引。西班牙酥炸羊肋骨$108今晚驚喜之冠一定係依個羊肋骨🐏望落以為實的的，點知一刀切落去勁軟腍，肥瘦適中，雖說係酥炸，但係毫無油膩感，羊香而不酥。另外特別之處係配襯既並唔係傳統薄荷醬，而係廚師自己調配既wasabi醬，點完味道更豐富而且令羊香更突出，堅好食❤香辣蕃茄醬海鮮意粉$128意粉軟硬度適中，蕃茄醬味道天然，香而不辣，醬汁不多不少掛滿每條意粉👍🏻海鮮包括青口，大蝦同埋帶子🍝青口帶鮮味，大蝦大隻彈牙，最出色係帶子，夠厚身，煎到表面金黃，內裡係半熟，入口鮮嫩❤露絲瑪莉燒美國無骨嫩雞$148燒春雞食得多，但係起埋肉既真係第一次，整隻雞只有雞脾末端骨位，其餘既都起得乾乾淨淨，真正手工菜，啖啖肉好爽! 表面燒到有微微焦香，肉質細嫩juicy，連伴碟既薯仔，西蘭花苗，水瓜等全都煎香過，
新鮮滾熱辣開張既依間餐廳，門面望落無乜特別，但食完就知佢地係一間用心出品既小店😋
墨西哥沙律 $118
第一次食彩色既栗米片，配上蟹肉，牛油果，芒果，蕃茄莎莎等食材，成個配搭好有層次，味道豐富得黎好清新🌿而且五顏六色視角上亦好吸引。
西班牙酥炸羊肋骨$108
今晚驚喜之冠一定係依個羊肋骨🐏望落以為實的的，點知一刀切落去勁軟腍，肥瘦適中，雖說係酥炸，但係毫無油膩感，羊香而不酥。另外特別之處係配襯既並唔係傳統薄荷醬，而係廚師自己調配既wasabi醬，點完味道更豐富而且令羊香更突出，堅好食❤
香辣蕃茄醬海鮮意粉$128
意粉軟硬度適中，蕃茄醬味道天然，香而不辣，醬汁不多不少掛滿每條意粉👍🏻海鮮包括青口，大蝦同埋帶子🍝青口帶鮮味，大蝦大隻彈牙，最出色係帶子，夠厚身，煎到表面金黃，內裡係半熟，入口鮮嫩❤
露絲瑪莉燒美國無骨嫩雞$148
燒春雞食得多，但係起埋肉既真係第一次，整隻雞只有雞脾末端骨位，其餘既都起得乾乾淨淨，真正手工菜，啖啖肉好爽! 表面燒到有微微焦香，肉質細嫩juicy，連伴碟既薯仔，西蘭花苗，水瓜等全都煎香過，擺盤靚，用心👍🏻
飲品就叫左杯Mocha同蘋果汁，另外依度亦有酒水供應。
整體有驚喜，淨睇門面估唔到佢咁高質，而且價錢一d都唔貴，只係cafe價位，但食到咁用心同有質素既野，滿意👍🏻
p.s.私心推介羊肋骨🐏
Post
