SuperNormal (淘大商場2期)

Open Now

Now Closed

今日去咗九龍灣淘大花園經過SuperNormal，見到佢哋原本賣緊二百幾蚊嘅鹹豬手而家做緊特價$168，同埋外賣自取有85折，撞啱又係晚飯時間就決定買返屋企食。Order左柚子德國咸豬手、卡邦尼扁意粉，另外呢度啲串燒、燒烤都好出名，所以就點咗份燒羊架、厚切牛舌芯、雞肉串。先講咸豬手， 餐廳已經起好曬d肉同埋砌到一塊塊，唔使再自己返到屋企又要切，個豬手超大嚿連埋柚子同埋點埋嗰個蜜糖芥辣醬食，食到停唔到口。個豬手外皮真係超級香脆，但係又可以保留入面肉質嘅柔軟。卡邦尼扁意粉個醬汁調配超好味，個蛋汁醬撈埋個扁意粉食好creamy。而燒羊架就燒得啱啱好，唔會太熟而且有微焦，最啱鍾意食燒烤嘅我。厚切牛脷芯就好值得推介，雖然係厚切但係超淋而且保留到牛舌嗰種味道，雞肉串一樣燒得好均勻，可以點埋燒烤醬食超惹味。