吳曉串 (Closed)

今日夜晚收工就嚟咗SOHO呢一邊搵嘢食，行過近PMQ嘅地方，見到呢一間新開嘅串燒，就決定同朋友過嚟食完嘢先再去飲酒 店舖嘅裝修非常簡約，原來店員同我哋講而家係試業緊，一坐低就好主動咁拎咗杯暖水俾我哋，舖頭主要食串燒為主，亦都可以添加其他唔同嘅主食餐牌嘅食物種類非常繁多，一開始睇到我哋都花多眼亂，我哋就叫咗幾種唔同嘅串燒，再加一個肥牛烏冬 朋友就叫咗支金橘檸檬店員亦都好貼心咁問我哋食唔食得辣，我哋就費事太辣，最後揀咗小辣就算 串燒雞皮笑得非常香脆，再配以牧然粉，咬落去有卜卜聲嘅感覺，非常脆香 串燒豬頸肉嘅味道亦都非常特別，調味上用咗辣粉，豬頸肉肥而不膩，最後我哋忍唔住encore多一串！燒嘅露筍亦都有五大條，配上佢特製嘅調味，令到蘆筍嘅味道昇華 仲有佢嘅燒牛舌！！切得非常厚身，我哋已經唔係叫厚切，都有咁高嘅質素，有四大件，牛舌入口，唔會有好韌嘅感覺，燒得亦都啱啱好！燒粟米，每人大半條，每一粒粟米都有香甜嘅感覺再加埋佢特製嘅調味粉，非常香口 最後食咗個炒肥牛烏冬，份量非常大，牛肉起碼有四至五件 辣辣地都非常好味！最後必須要大讚店員嘅服務態度非常好，不停走過來問我哋嘢食如何，會唔會太辣，仲係