真心 (Closed)

多數去Soho區都係食西餐同埋飲酒居多，食日本餐廳都係第一次，見到餐廳好似新裝修，而且餐牌上面嘅嘢食價錢都幾合理所以就諗住同朋友去試下 餐廳嘅位置唔算太多，但係都坐得幾舒服，嗰日去到嘅時候都坐滿人。餐廳比較繁忙，不過服務態度都幾值得讚我叫左一個刺身飯，刺身嘅份量都合理有三文魚、牡丹蝦、帶子、同埋油甘魚。所有嘅刺身食落去都好新鮮，如果鍾意食牡丹蝦嘅話應該會幾滿意。另外我同朋友仲叫咗一個海盗船拼盤，我哋就覺得非常之滿意而且亦都非常抵食。因為每一件壽司嘅份量都係非常大件，而且上面嘅刺身都係非常之新鮮，分別有海膽、拖羅碎、碎三文魚、鰻魚同埋蟹膏。壽司係用腐皮壽司來做，配上其他嘅刺身，食落去有一種甜甜地嘅感覺，其實食完呢個拼盤都好飽了。總結刺身飯同埋海盜船拼盤，個人覺得味道都幾好食，可以一試。