上次經過呢間餐廳覺得幾得意，
價錢又抵食，
所以今次就黎試下！
D野食都唔貴啊，
有飯有麵有小食，
感覺好飽肚
坐低係用QR code落單，
好方便
野飲揀左可樂同熱龍眼蜜
小食點左個口水醉雞卷，
呢個好香酒味，
而且啖啖肉，
因為點左個大既，
所以一客有八件，
好抵食
見到有紅油抄手又想食，
但有個特別d既紅油百花抄手，
於是就揀左呢個！
呢個個餡係蝦膠同魷魚，
粒粒都大粒而且仲好彈牙
茶燻煎軟雞拼滷肉湯飯，
D雞炸得香但又唔乾，
而且仲好大塊，
碗滷肉湯飯超級大碗
而且佢已經有滷肉咸咸地，
基本上唔洗餸都可以就咁食，
非常飽肚
仲點左香酥排骨拼滷肉慶麵，
慶麵原來好似油麵咁，
呢個排骨係偏乾身果種，
個人就鐘意雞扒多d~
食左咁多野都係二百幾蚊，
超抵食
