特登book左祥仔辣辣諗住帶爸爸媽媽試下，
平時見Ricky煮野食好專業，
所以想去佢開既餐廳試下
喺海運大廈LCX入面，
呢邊都多餐廳，
好易搵
午市都幾多set，
呢個二人餐如果join左member會有折扣，
即時就join左喇
另外都有d一人餐揀，
價錢都唔算貴
座位好寬敞，
坐得舒服
二人餐既前菜，
有涼拌拍青瓜、酸辣紅海哲頭同雲南白切肉。
酸辣紅海哲頭酸酸辣辣爽口又開胃；
雲南白切肉味道似蒜泥白肉，
每片肉中間都捲住青瓜，
口感唔錯但濃味左d
鳳梨咕嚕肉
呢個味道唔錯，
炸漿唔會太厚，
外層夠脆口，
肉亦都唔韌又爽口，
有驚喜！
絕味辣子雞
呢個辣子雞幾香但唔太辣，
雞都算多肉，
平時食既辣子雞會炸得脆口d，
呢d就多d野食
酸辣燴炒土豆絲
呢個酸辣味夠，
好開胃，
濕濕地但土豆絲都好爽口
1
呢個係招牌菜祥仔酸辣魚
味道好夠酸夠濃，
魚肉好滑好彈牙而且無骨，
幾好味！
香酥豬扒配菜飯，
呢個豬扒都炸得唔錯，
炸漿夠薄夠脆口，
外脆內軟
農家小炒肉石鍋飯
呢個原來係一碟肉同一個石鍋飯，
整體無乜特別，
石鍋飯係蛋炒飯但食落好似白飯咁既
二人餐有甜品，
係仙草凍，
配埋花奶幾好味
整體食物質素唔錯，
不過個人覺得味道係改良左，
偏向港式既，
如果想食正宗d四川菜可能就會有d失望
