味珍閣茶餐廳 (Closed)

星期六既早上，原本想食商場入面另一間既早餐，但早餐時間實在非常多人，D人多到排晒出門口，其實早餐時間要搵食都唔係咁易記得商場樓下都有間茶餐廳，估計果間應該會少人d，於是就行過去好彩呢間有位，可能因為位置唔係太就腳。早餐好似都多選擇喎，本來想揀菠蘿包三文治早餐但賣晒所以唯有揀其他啦飲品揀左熱咖啡，都幾香另一杯就加左$3揀左即磨咖啡，反而呢杯機沖既咖啡比較淡，個人口味鐘意第一杯多d早餐揀左一個多士煎蛋火腿，一個多士炒蛋香腸，多士仲係暖暖地香脆既，其他就正正常常。台式肉燥米粉，呢個米粉比較粗同淋身，餸就只有肉燥，味道幾好但偏清淡另一個揀左紅燒牛肉拉麵，牛肉唔韌味道ok，不過拉麵比較淋