Read full review
2019-08-13
4767 views
早前在很多社交媒體中看到這家被譽為'香港之光'的壽司店,是米芝蓮指南推薦 ,見有好多名人post過係ig 有啲興趣, 所以特意早一個月訂了位和另一半試食這家的 Omakase. 餐廳好貼心早係訂坐後一天來電確認訂枱, 在當天亦同樣確認時間, 是高級餐廳應有服務, 沒有問題. 餐廳內bar枱8個位置有7人訂了坐.來的人時間不一, 心想只有一位主理人, 會唔會招呼唔到咁多人. 結果亦無估錯, 唔知係唔係熟客太多既關係, 主廚同熟客們不斷打牙骹,到介紹食物時完全唔知自己想講咩. .....'眼目'個'目', '一,二,三,四,五' 個'一'. 我心想,洗唔洗講埋'鯛魚' 個'鯛'呀? 熟客說話大聲刺耳, 食壽司好似受刑咁, 真係以為自己食緊壽宴. 完全無食高級壽司既氣氛. 可能只係個別事件, 算了, 食壽司先係重點. 主廚技術方面1.刀功,手起刀落, 有日本水準,沒問題. 2.握壽司, 壽司飯握後略鬆, 用手食既朋友要注意, 可能會散開. 3. 壽司飯, 醋飯的酸度唔夠 (本人要先界定自己唔太愛食酸野), 但這個壽司飯只有 2/10 的酸度, 比其他壽司店的飯淡味了很多. 完全沒有對魚的鮮味
主廚技術方面
1.刀功,手起刀落, 有日本水準,沒問題.
2.握壽司, 壽司飯握後略鬆, 用手食既朋友要注意, 可能會散開.
3. 壽司飯, 醋飯的酸度唔夠 (本人要先界定自己唔太愛食酸野), 但這個壽司飯只有 2/10 的酸度, 比其他壽司店的飯淡味了很多. 完全沒有對魚的鮮味有任何加乘.
食物方面, 有幾道菜色的味道略嫌先色,
1. 茶碗蒸, 用了很多蟹肉, 沒有吝嗇, 有一層蝦殼和蟹殼餚成既濃湯係面, 有心機, 但太鹹, 成道菜只食到鹹味.
2. 魷魚壽司沒有應有口感, 軟腍腍.
3. 吞拿魚, 不是它的味道, 而是份量, 個人之前在omakase 的經驗, 無論在日本關東或關西, 又或是香港的其他omakase壽司店, 吞拿魚握的壽司款式一定不會少於兩款, 可能是nigiri壽司, 跟maki手卷,或有其他部位(Maguro(赤身),Chuutoro(中吞拿魚腩)...) , 但這餐只有nigiri一款, 對吞拿魚控的人來說是完全唔會收貨, 完全是大失望. 望住師父大大嚿吞拿魚(鞋盒咁大左右) 係你而前切, 到頭來只有一件.
4. 最基本omakase的最後一定有tamago(玉子燒), 最後竟然係無既, 接受不了, 又一大失望(個人認為如果有日本人食, 心裡面一定有好多疑問, 黑人問號勁大個).
5. 食到最後有水果, 正! 係日本蜜瓜呀. 黎到, 一叉落去, 又一伏, 都話唔可以睇樣, 有日本蜜瓜樣, 無日本蜜瓜味, 無水無汁. 團講 level 都未到.失望
服務方面
1. 餐飲, 如果你沒有自備酒水, 他們是沒有酒單既, 當服務生問刑我們想飲啲咩既時候, 我問有無酒單, 他跟我說是Omakase, 沒有選擇. (黑人問號). 好串. 師父之後補鑊話有甜口, 辛口兩款可以選. 所以最好自備酒水.
2. 食到尾主廚完全無問吓夠唔夠,洗唔洗要多啲. 見佢無問我無心再食, 見佢啲食材咁珍貴都知生意難做, 賣單走人.
要讚的要點:
1. 茶, 有冰茶或熱茶, 夏天有救
2. 有個炭爐燒魚用, 燒出黎鰻魚有脆口, 加分
3. 海膽有幾款食, 唔差, 不過略細嚿
見師父切魚生有水準, 又講曬日文魚名, 熟客當面讚到天上有,地下無, 當面說: 飯已到達神級的境界!! 你弄的壽司是完美, 很好食, Oishi! 重要件件都要大大聲講. 之後重串到話mori 只照呼高級有錢食客,只有佢地先食到 mori san 既壽司, mori當唐四萬咁口, 攞出私家國產魚子醬照呼各熟客. 心想, 洗唔洗做到咁呀?(黑人問號)
$2500 一位這價錢真的完全唔值, 香港有很多 $2000 留下的壽司店都比這家店有水準. 難怪是米芝蓮指南推薦, 屬於星星揮手區
我只能總結: 一個廚師可以因為客人好的評價而不斷進步, 但亦可以因為客人好的評價而沾沾自喜, 而減低了自己進步空間, 固步自封, 忽略了食物的原味道與品質, 沒能對食客作出應有的交代. 在客人面前,只有食物本身的味道能取悅客人, 多少服務, 什麼特別優待只是掩眼法.
翻食指數: 0/10
推薦指數: 0/10
Post