Read full review
2021-12-26
455 views
記住，睇食評最重要睇負評。講重點：呢餐午飯兩個人食咗近$1300。個人認為，好唔值。唔推薦。而且service非常趕客，我同朋友食完都話一定唔會再嚟。前菜叫咗Oeuf Mayo同escargots。主菜叫咗Duck Leg Confit 同Beef Tenderloin。甜品叫咗 passion fruit crime brûlée。Conclusion: 冇樣好。首先講咗主菜先：隻鴨煮得唔好。原本期望會係外脆內軟，鴨肉帶濃郁肉汁的。但實際上，毫無特色。鴨皮好似臘肉咁硬，而且唔夠熱。鴨肉味嚴重欠奉，而且肉質好鞋口，用刀都好難切。唉，呢隻鴨真係白白犧牲咗。Beef Tenderloin 同樣差。首先我個人唔係特別想食鵝肝（詳情可以看看鵝肝的製作過程），但佢偏偏要喺牛扒上面放一件鵝肝。所以，如果兩個人想食牛扒，就逼住要食囉。然後呢，塊肉切得好厚。本身係一件好事，但係肉質靭，乾爭爭，肉汁也欠奉。食落就知唔係特別好嘅扒。咁嘅價錢，我情願去la vache食。另外加錢食嘅薯條，幼身又唔脆。跟住講返前菜：田螺六件，不連殼。調味有啲似蒜蓉粉絲扇貝嗰隻汁囉。不過不失。但個人唔覺得有其他食評講得咁驚為天
講重點：呢餐午飯兩個人食咗近$1300。個人認為，好唔值。唔推薦。而且service非常趕客，我同朋友食完都話一定唔會再嚟。
前菜叫咗Oeuf Mayo同escargots。
主菜叫咗Duck Leg Confit 同Beef Tenderloin。
甜品叫咗 passion fruit crime brûlée。
Conclusion: 冇樣好。
首先講咗主菜先：
隻鴨煮得唔好。原本期望會係外脆內軟，鴨肉帶濃郁肉汁的。但實際上，毫無特色。鴨皮好似臘肉咁硬，而且唔夠熱。鴨肉味嚴重欠奉，而且肉質好鞋口，用刀都好難切。唉，呢隻鴨真係白白犧牲咗。
Beef Tenderloin 同樣差。
首先我個人唔係特別想食鵝肝（詳情可以看看鵝肝的製作過程），但佢偏偏要喺牛扒上面放一件鵝肝。所以，如果兩個人想食牛扒，就逼住要食囉。然後呢，塊肉切得好厚。本身係一件好事，但係肉質靭，乾爭爭，肉汁也欠奉。食落就知唔係特別好嘅扒。咁嘅價錢，我情願去la vache食。另外加錢食嘅薯條，幼身又唔脆。
跟住講返前菜：
田螺六件，不連殼。調味有啲似蒜蓉粉絲扇貝嗰隻汁囉。不過不失。但個人唔覺得有其他食評講得咁驚為天人。
隻沙律蛋就唔使講啦。諗都諗到咩味。
甜品係1.5個熱情果crème brûlée。酸酸甜甜，性價比低。同樣不過不失。
但係呢度嘅Service真係不敢恭維。
1. 成千幾蚊一餐，真心冇預期會比個女waitress 趕趕趕。（我到而家都唔知道係咪限時90分鐘？）咁嘅價錢，我哋主菜還未食完，佢已經問我哋叫唔叫甜品。我哋叫完，再同佢話我哋台上啲嘢未食完，佢黑面，然後唔理，直接上甜品。
2. （應該係）法國男老細，嫌我地叫得少，俾晒面色。幫我哋落完單，就問我哋兩個人叫一個前菜？所以我哋加多左。之後，我哋話唔叫酒，即刻唔出聲，擰轉身行咗去。
3. 啲碟又大，完全冇人執枱。我地要自己將啲碟堆出去先有人理。
千幾蚊一餐就係咁嘅質素。會唔會外國朋友你就會有另一個待遇呢？
Post
