I Leisure (Closed)

今日嚟左位於尖沙咀嘅I Leisure，酒吧餐廳，餐廳有鳥籠位，最啱打卡。我地叫左呢度嘅招牌菜，有餐廳特色海鮮搖盤(5款海鮮)，火焰雞翼同龍蝦包。龍蝦包，成隻龍蝦肉剁碎做饀，配搭帶出龍蝦本身的鮮味。火焰雞翼上枱時都好有驚喜，店員會灑上點着火既酒，雞翼皮香脆，好食。重頭戲黎啦，海鮮搖盤有得選擇辣度，我地擇左BB辣，有扇貝、鮑魚、大蜆 、青口同蝦，每款海鮮都好新鮮，我個人特別好食係扇貝同大蜆，彈牙之餘仲好入味，另外仲有腸仔和粟米，索哂秘制馬來西亞特色辣汁，好好味。真係未試過咁shake 法既海鮮。下次再試高一個辣度先。