Video
Read full review
2019-07-30
359 views
為友人慶祝生日，當然要搵間特別少少嘅餐廳啦，知道佢鍾意食海鮮，就特別訂好位同佢黎呢度食生日飯主打食海鮮拼盤，場內環境佈置成有D似潛艇，電視就變身成窗口，不停播放住海底生物影片，帶點玩味感覺!有4款海鮮拼盤比你選擇，每位計由$298-$688，再自選醬汁，要食海鮮拼盤，就係咁簡單開餐前食客田園沙律先，淋上黑醋汁，醒胃又清爽!小食類係任食，包括有香脆蒜蓉包，炸薯條，薯圈及洋蔥圈，全部熱辣脆口，係等待海鮮袋上枱時，食住炸物等，相信都無咩人會抗拒，而個蒜蓉包仲可以用黎點海鮮袋嘅醬汁食，仲好味呀!!主角出場啦..................煮好後嘅海鮮會放入膠袋中，侍應係你面前即時搖均，即係SHAKE SHAKE 海鮮，確保每一樣海鮮都被醬汁包圍住，即刻帶上手套及圍裙，準備開動今晚叫左C餐 ($498)，打開膠袋已傳來陣陣醬汁香味 (焦香奶油檸檬香草汁)，海鮮包括麵包蟹半隻，松葉蟹腳4隻，波士頓龍蝦半隻，貴妃蚌2隻，西班牙八爪魚仔3隻，卜卜蜆，海蝦，新鮮粟米及新薯仔松葉蟹腳真係唔講得笑，夠晒大隻，拆開成條真蟹柳現身，味道超鮮甜，好好味呀~龍蝦肉帶點嚼口，點配醬汁調起個鮮味; 貴妃蚌鮮甜，有軟
主打食海鮮拼盤，場內環境佈置成有D似潛艇，電視就變身成窗口，不停播放住海底生物影片，帶點玩味感覺!
有4款海鮮拼盤比你選擇，每位計由$298-$688，再自選醬汁，要食海鮮拼盤，就係咁簡單
開餐前食客田園沙律先，淋上黑醋汁，醒胃又清爽!
3 views
0 likes
0 comments
小食類係任食，包括有香脆蒜蓉包，炸薯條，薯圈及洋蔥圈，全部熱辣脆口，係等待海鮮袋上枱時，食住炸物等，相信都無咩人會抗拒，而個蒜蓉包仲可以用黎點海鮮袋嘅醬汁食，仲好味呀!!
2 views
0 likes
0 comments
主角出場啦..................煮好後嘅海鮮會放入膠袋中，侍應係你面前即時搖均，即係SHAKE SHAKE 海鮮，確保每一樣海鮮都被醬汁包圍住，即刻帶上手套及圍裙，準備開動
今晚叫左C餐 ($498)，打開膠袋已傳來陣陣醬汁香味 (焦香奶油檸檬香草汁)，海鮮包括麵包蟹半隻，松葉蟹腳4隻，波士頓龍蝦半隻，貴妃蚌2隻，西班牙八爪魚仔3隻，卜卜蜆，海蝦，新鮮粟米及新薯仔
5 views
0 likes
0 comments
松葉蟹腳真係唔講得笑，夠晒大隻，拆開成條真蟹柳現身，味道超鮮甜，好好味呀~
0 views
0 likes
0 comments
龍蝦肉帶點嚼口，點配醬汁調起個鮮味; 貴妃蚌鮮甜，有軟身得黎又有D口感
粟米及薯仔索左D醬汁，有點清新檸檬味道，變得特別左
麵包蟹蟹蓋有D膏，幾鮮甜，肉身亦帶D膏，但比較之下，松葉蟹確實係無得輸
食完海鮮拼盤，仲有呢碟鮮蕃茄醬配意大利粉，淋上大量蕃茄醬於意粉中，無其他配料
0 views
0 likes
0 comments
入口酸度又岩岩好喎，食到少少蕃茄茸，意粉係有口感嘅，簡簡單單嘅一碟醒胃意粉，都唔錯!
今餐壽星表示滿意呀，滿意就好了......................
Post
