牛気 (雅蘭中心)

Open Now

Now Closed

舊同事gathering都喜歡去放題，唯一唔好係限時限刻，真係好無引，早個禮拜天氣凍打邊爐氣氛濃烈決定試試呢家新的牛氣，估唔到非常有驚喜 6個人入到去安排左張長檯，d椅非常闊落坐得好舒服，加分  而且檯與檯之間亦唔迫～我地點左果個好似係美國牛肩餐，d牛肉都唔錯，重牛味有咬口，岩哂我呢d食肉獸 湯底點左我最愛嘅Sukiyaki + 蕃茄龍蝦，非常香同入味。兩者比較我都係較喜歡Sukiyaki，牛氣呢個係我食過幾家同類型最香濃，連豉油都唔係好洗點 一定要提嘅係而家新張有個新張優惠，加$28有得任食三文魚，真係叫出黎呀  我地前後encore左5次，每次幾碟幾碟咁haha，嗌到自己都唔好意思 自助bar無影相，都係丸呀菜呀麵果d，我要都係狂食肉同三文魚 最後食埋個乳酪雪糕，差唔多侍應就提我地仲有15分鐘交檯要埋定單，埋完單例牌gathering無限吹水啦，走時望一望錶原來都食左兩個鐘，竟然無好似其他放題咁係咁吹人走 (即使個場完全無人都要趕人走), 再加分  以後在旺角gathering又多一個選擇喇！