Video
Read full review
2018-10-29
229 views
襯住放假天氣好就同男朋友入下科學園拍下拖，果到環境好又唔洗同人逼，假期都幾多人踩完單車入黎食下野。行到4點幾見餓餓地就搵左間西餐試，見佢下午茶都好多款式，價錢又唔貴。而且佢既裝修令人好舒服，門口擺左啲盆栽同小樹木，配襯埋木色傢私，就算係室內都猶如置身大自然咁。其實佢都有戶外位揀，不過我地怕熱就冇坐出去。呢部超大電視機好吸睛，無論你坐到幾遠都睇到，好正！電視機下面係醬料自助區，想要幾多醬就擠幾多，都幾齊備，水都可以自由斟。平時餐廳啲自助區域都會好亂好污糟，搞到我唔敢掂，啲樽會痴笠笠，但呢到擺放整齊之餘，仲好乾淨，可以令客人放心使用。下午茶時段會有啲小食、包、pizza既餐揀。樣樣都覺得好吸引既情況底下，我地最後叫左三個餐食呢到除左一般奶茶咖啡之外，仲有果汁、花茶呢啲清新飲品，什至乎連酒都有，搞到我眼花撩亂。我地決定食秘制豬扒包配粗薯條（$45）+凍奶茶（$4）煙三文魚牛油果牛角蘇配粗薯條（$38）+熱朱古力（$4）黑松露烤菇薄餅（$62）+凍朱古力（$6）餐牌寫住豬扒包係秘制又係廚師推介咁就試下啦。包黎到既時候已經聞到一陣燒烤既香味，包係用軟豬仔，非常之軟熟。塊豬扒望落好厚，以為會好硬咬
行到4點幾見餓餓地就搵左間西餐試，見佢下午茶都好多款式，價錢又唔貴。而且佢既裝修令人好舒服，門口擺左啲盆栽同小樹木，配襯埋木色傢私，就算係室內都猶如置身大自然咁。其實佢都有戶外位揀，不過我地怕熱就冇坐出去。
呢部超大電視機好吸睛，無論你坐到幾遠都睇到，好正！
電視機下面係醬料自助區，想要幾多醬就擠幾多，都幾齊備，水都可以自由斟。平時餐廳啲自助區域都會好亂好污糟，搞到我唔敢掂，啲樽會痴笠笠，但呢到擺放整齊之餘，仲好乾淨，可以令客人放心使用。
下午茶時段會有啲小食、包、pizza既餐揀。樣樣都覺得好吸引既情況底下，我地最後叫左三個餐食
呢到除左一般奶茶咖啡之外，仲有果汁、花茶呢啲清新飲品，什至乎連酒都有，搞到我眼花撩亂。
我地決定食秘制豬扒包配粗薯條（$45）+凍奶茶（$4）煙三文魚牛油果牛角蘇配粗薯條（$38）+熱朱古力（$4）黑松露烤菇薄餅（$62）+凍朱古力（$6）
餐牌寫住豬扒包係秘制又係廚師推介咁就試下啦。包黎到既時候已經聞到一陣燒烤既香味，包係用軟豬仔，非常之軟熟。塊豬扒望落好厚，以為會好硬咬唔開果隻，點知整得幾林。加上豬扒醃過，係類似孜然粉咁，感覺都幾特別。因為平時食既豬扒包都會落啲醬係包既中間，最多用沙律醬帶出包既味道，但呢個包既調味主要來自豬扒，令人不禁會focus左塊好好味既豬扒到。連埋一層層既菜同蕃茄一齊食，增加左成個包既口感。
牛角蘇既賣相雖然麻麻地，但勝在夠大條同埋熱辣辣、好脆，包既中間夾滿左煙三文魚同牛油果，飽肚又好味
伴碟既薯條好粗身，咬落皮脆，薯仔既綿滑而又不油膩。
個pizza係我地岩岩食完個包既時候就黎喇，一陣陣黑松露既香味撲鼻而來，見佢個樣芝士好多，餅底又薄，急不及待要拎一塊試試。真係新鮮出爐嫁，熱辣辣，餅底好脆，芝士有拉絲效果，如果鐘意濃味的朋友就會愛上呢個，一個人絕對可以食一個。
飲品方面我地都冇叫啲特別野，反而俾到驚喜我。無論熱定凍既朱古力，佢都有整埋泡沫，好用心，而且杯朱古力好濃，有質素！
Post
