Coti (Kings Wing Plaza 2)

Open Now

Now Closed

喺石門商場入邊見到一間門面幾文青嘅Cafe，諗住試吓啦, 原來佢係隔離富臨集團開嘅一條新Line😯貪得意試咗杯有氣檸檬咖啡，叫完就後悔啦。同爆漿瀨尿牛丸有得揮，兩樣完全拉唔埋嘅嘢擺埋一齊，好奇怪，好後悔。右邊係expresso，左邊係一杯檸檬梳打水。如果將兩者分開飲都正常啲(不過杯expresso無乜香味)，但偏偏要將佢哋倒埋一齊。結果咖啡有氣泡係第一奇怪、咖啡加埋檸檬係第二奇怪。雖然坊間都有檸檬咖啡呢個組合，但係今次佢嘅檸檬味只係淡淡係梳打水入邊，到喉唔到肺，總之就係好奇怪啦。最後想講碟上附送左一舊曲奇，但係個外型真係😰。或者你哋都係做返酒樓啦，做文青咖啡真係唔得。最後呢杯要$40 ，你俾返$40我都唔會再飲。