禮 (天光道) (Closed)

Sake Bar Present 土瓜灣已開業一段時間，好多朋友仔都推介呢一間日式小店，所以一於約過去食返餐飯。豆腐沙律非常滑，而且胡麻醬均勻，底部有很多沙律菜，清新又開胃！壽司八貫今次安排了赤身、深海池魚、𩶘魚、醋鯖魚、海膽、三文魚腩、油甘魚、大拖羅，相當鮮味。特別是海膽味道鮮甜，三文魚腩、油甘魚、帶拖羅油香十足，深海池魚香滑彈牙，正！生蠔×4 海水味香，味道新鮮，質感亦很爽，可以自由配搭酸汁及檸檬。蛋黃玉子燒比較創新，蛋黃味道香但不會過鹹，玉子亦都相當香滑。 蓮子鯛 $298 連湯 是非常吸引的，因為餐廳每天也有新鮮飛機貨到達，而且魚類亦是從未接觸過的白身魚，口味鮮香，可以自由配上香蔥、蘿蔔蓉、酸汁令味道層次更豐富。另外亦都會包埋魚骨煲魚湯，去到最後上，味道鮮甜！一魚兩食。串燒就選擇了手羽先（雞翼）、一口牛、羊架，燒得剛好，雞翼表面金黃鹹香，內裏保留應有水份，牛及羊的調味適中，生熟度處理得好加上入口軟嫩，大滿足！最後食埋紅豆年糕，好似一粒粒小丸子、配搭淋甜的日本紅豆，成餐飯一個完美嘅句號。