am.pm (譽發廣場)

Open Now

Now Closed

今日帶咗朋友嚟旺角食梳乎厘pancake～Ampm我由中學食到而家，今次就帶朋友們試試😋！炎燒布丁梳乎厘 $50見到menu幅圖已經好吸引，所以我地一致決定叫依個！一份有2件梳乎厘pancakes，pancakes好厚，質地fluffy、好輕盈，食落微暖，蛋味濃。梳乎厘表面燒咗一層薄薄嘅焦糖～脆卜卜，同pancakes好夾。黑糖珍珠3.6牛乳雪糕 $45雪糕都幾大杯，表面淋滿咗黑糖醬。黑糖醬好香、好甜。雪糕好滑，好香牛奶味。雪糕下面就係珍珠，珍珠有濃嘅黑糖味，而且煙煙韌韌。草莓3.6牛乳奶昔 $35我見到店員用雪糕整奶昔，所以飲落特別creamy同重牛奶味。杯身吱滿咗士多啤梨味醬，好靚。奶昔味道好似士多啤梨牛奶味嘅珍寶珠！奶昔上面有爆炸糖，幾特別。