Running 燒 (Closed)

無論秋風起 或者春風起 久唔久都會有條癮想食韓燒. 今次run住去running燒，韓燒宜家風靡全香港，叫佢性價比高，單係任食生蠔已經夠吸引。直入戲肉韓式BBQ，有牛豬仲有羊，款式都算多，而且質素高，塊塊分明，絕對唔會痴埋一舊，上菜快，肉有肉味，千萬別當廢話，燒出黎唔洗點sauce 都入哂味！食燒肉梗係要燒原汁原味的肉味！牛要特別推介牛舌、牛柳粒同牛肋肉！肉汁豐富，但燒得乾唔乾睇個人功力！豬既五花腩超好食，但又唔會太肥，一舊接一舊。雞翼仔分開一半，要食好多隻先夠喉，幾乎可以每樣都試，因性價比高，而且任食，但絕唔可以浪費啦。登！登！登！登！韓燒自己燒生蠔同扇貝，真係好有趣同挑戰性，因為好睇時間性，如果餐廳可以建議埋燒既時間會更貼心！平時唔捨得食，今次要食到大快朵頤。食完肉同海鮮，就當然要食下蔬菜，睇下蔬菜籃幾咁新鮮，完全唔係hea貨，燒菇健康又有益，可以去下d肥膩感。最後melona 雪條同西米露作結，人生無憾了。