Video
Read full review
2021-04-20
76 views
星期六拍拖日。2人世界都一定會預埋captain，變2人1狗世界。一直都想去佐敦樓高3層寵物生活館 Ruff & Fetch，一於就去朝聖先。位置由於係帶埋狗狗，所以都係揸車過黎；最近既停車場係童軍總會。都尚算方便，易搵。環境底層係售賣寵物用品，而上層就係寵物美容，一站式滿足寵物所需。頂層露天茶座係要由鋪頭向前街到獨立電梯上去。餐廳係寵物友善，所以僕人們都可以同主子愛犬齊齊歎咖啡。餐廳有戶外內空間都可以比小狗跑啊跑啊跑，我飛。外面是木地板、木桌椅和太陽傘；滑梯仲有泳波池Tim，captain好多野玩啊。可惜今日朝頭早落完雨，波波池都濕哂；唔想做濕狗。我地都係唯有乖乖同captain係outdoor玩一陣，再坐番入indoor了。食物餐廳供應手調咖啡、輕食、主食意粉漢堡和狗狗食物。獨樂樂不如眾樂樂，小狗captain今次終於唔係靜係望住我地食野，佢都可以一齊食好西。我地叫左：雞肉味狗狗雞蛋仔熱辣辣雞蛋仔，屬於軟稔質地，唔係香脆的。Meet開入面有雞肉餡，淡淡的蛋香。荔枝、士多啤梨梳打手調氣泡梳打，岩哂夏天飲。士多啤梨味梳打飲得出係handmade果醬溝出黎，仲有士多啤梨果飲籽，my fa
星期六拍拖日。
2人世界都一定會預埋captain，變2人1狗世界。
一直都想去佐敦樓高3層寵物生活館 Ruff & Fetch，一於就去朝聖先。
位置
由於係帶埋狗狗，所以都係揸車過黎；最近既停車場係童軍總會。都尚算方便，易搵。
環境
底層係售賣寵物用品，而上層就係寵物美容，
一站式滿足寵物所需。
頂層露天茶座係要由鋪頭向前街到獨立電梯上去。
餐廳係寵物友善，所以僕人們都可以同主子愛犬齊齊歎咖啡。
餐廳有戶外內空間都可以比小狗跑啊跑啊跑，我飛。
外面是木地板、木桌椅和太陽傘；滑梯仲有泳波池Tim，captain好多野玩啊。
可惜今日朝頭早落完雨，波波池都濕哂；唔想做濕狗。我地都係唯有乖乖同captain係outdoor玩一陣，再坐番入indoor了。
食物
餐廳供應手調咖啡、輕食、主食意粉漢堡和狗狗食物。
獨樂樂不如眾樂樂，小狗captain今次終於唔係靜係望住我地食野，佢都可以一齊食好西。
我地叫左：
雞肉味狗狗雞蛋仔
熱辣辣雞蛋仔，屬於軟稔質地，唔係香脆的。
Meet開入面有雞肉餡，淡淡的蛋香。
荔枝、士多啤梨梳打
手調氣泡梳打，岩哂夏天飲。
士多啤梨味梳打飲得出係handmade果醬溝出黎，仲有士多啤梨果飲籽，my favourite。
蜜糖雞翼
燒雞翼我中意食，蜜糖咸甜開胃，雞翼好大隻。
炸魚手指
即炸魚手指，不會乾，而且亦有好好隔油，不會油膩；小朋友最愛。
黑松露醬薯條
黑松露醬灑滿每一條即炸薯條，調味出色，金黃咸香，醬油亦沒有獨膩的感覺，配合凱撒醬的黑松露十分清新；令人一條接一條。
P.S. 依到既員工仲好nice幫我地用紙袋袋住雞蛋仔
Captain少出街，細膽胃口細左；但番家又可以繼續食了。而且除左可以帶狗狗，同場仲有主人帶貓貓黎玩，人寵共融空間好開心，好推介有養寵物既朋友黎
輕鬆和毛孩的三人行悠閒下午，爽啊～開心仔～
下次再黎識多d朋友仔先。
Post
