Video
Read full review
2022-08-21
1343 views
Ritz Carlton嘅Afternoon Tea set就食得多，今日去咗食dinner enjoy一下，102樓嘅景色真係一流，今晚天氣很好，睇到黃昏同夜景，真係好嘆🤣🔸 Three-course Steak Fritz Dinner (原價$686pp，網上夏日快閃優惠$480pp)▫️餐前麵包(8.5/10)呢個麵包真係好食喎！又熱又鬆軟又有牛油味又少少酸種味嘅香草麵包🤭好想繼續食😂🔹前菜(每人一款)▫️ 每日精選餐湯(蕃茄湯) 🍅(7.5/10)👌🏻▫️ 溫烤醃製八爪魚配鷹嘴豆泥，烤麵包粒及西班牙香腸碎(8/10)八爪魚肉質彈牙，有香烤嘅味道。有好多麵包粒同香腸碎，口感味道都唔錯。個鷹嘴豆泥醬中和咗香腸碎嘅鹹味。唔錯！🔹主菜▫️ 穀飼安格斯牛肉眼扒（280克）配薯條或田園沙律（7.5/10）肉眼扒肉質嫩滑，幾Juicy，不過牛味較少🙈我地一個要蛋黃牛油醬，一個要迷迭香牛肉汁。迷迭香牛肉汁出色好多，好香rosemary味，無咁膩！相比之下蛋黃牛油醬比較膩同普通，而且突出不到牛肉嘅鮮味。薯條比較硬，唔知係咪翻炸？定係突登炸到咁？沙律新鮮，醬酸酸甜甜，調配得幾好。🔹甜品▫️ 麗思卡爾頓蛋糕
Ritz Carlton嘅Afternoon Tea set就食得多，今日去咗食dinner enjoy一下，102樓嘅景色真係一流，今晚天氣很好，睇到黃昏同夜景，真係好嘆🤣
🔸 Three-course Steak Fritz Dinner (原價$686pp，網上夏日快閃優惠$480pp)
▫️餐前麵包(8.5/10)
呢個麵包真係好食喎！又熱又鬆軟又有牛油味又少少酸種味嘅香草麵包🤭好想繼續食😂
🔹前菜(每人一款)
▫️ 每日精選餐湯(蕃茄湯) 🍅(7.5/10)👌🏻
▫️ 溫烤醃製八爪魚配鷹嘴豆泥，烤麵包粒及西班牙香腸碎(8/10)
八爪魚肉質彈牙，有香烤嘅味道。有好多麵包粒同香腸碎，口感味道都唔錯。個鷹嘴豆泥醬中和咗香腸碎嘅鹹味。唔錯！
🔹主菜
▫️ 穀飼安格斯牛肉眼扒（280克）配薯條或田園沙律（7.5/10）
肉眼扒肉質嫩滑，幾Juicy，不過牛味較少🙈
我地一個要蛋黃牛油醬，一個要迷迭香牛肉汁。迷迭香牛肉汁出色好多，好香rosemary味，無咁膩！相比之下蛋黃牛油醬比較膩同普通，而且突出不到牛肉嘅鮮味。
薯條比較硬，唔知係咪翻炸？定係突登炸到咁？沙律新鮮，醬酸酸甜甜，調配得幾好。
🔹甜品
▫️ 麗思卡爾頓蛋糕 -橙酒朱古力(8/10)
跟餐甜品黎講，呢個蛋糕算係超巨型。一個正方體嘅朱古力磚，入面唔係sponge cake黎架，係好rich嘅朱古力，仲有啲橙皮橙酒添🤭
服務員仲會經常幫我哋影相❤️喺一個寧靜嘅環境睇住夜景食晚餐，真係好舒服呀😌😌
Overall評分: 8/10😌
Post
