Rimi Cafe (Closed)

同男友去旺角拍拖行街💞，行到又熱又攰，於是見到有間樓上cafe就上去休息下，順便食個lunch😘😘。一入到去，感覺環境幾靚，而且幾chill，有唔同桌上遊戲同書本可以借，裝潢都較舒服簡約。而食物方面種類有很多，而見到店內有二人餐，一個價錢包哂前菜、小食、主菜、餐湯餐包、飲品。餐包味道正常，溫度微暖，餐湯係蘆筍湯，飲得到蘆筍粒粒，應該係新鮮蘆筍直接打成蓉嘅湯，味道不錯，十分足料。前菜選擇蒜片牛柳粒，作為前菜份量都唔算少，粒粒牛柳肉質唔鞋唔難咬，大小啱啱好，一口一粒，切開仲見到半紅肉質夠哂juicy。跟住叫咗bbq汁燒豬肋骨配薯菜，好高質，居然仲有原條豬肋骨上！！！好震撼！！！燒得入味而且肉質嫩滑，食到我地舐舐脷。而另外仲揀咗煙三文魚配忌廉雜菌天使麵，煙三文魚捲到好似一朵玫瑰花，好有心思。而天使麵較一般意粉幼身，比較容易掛汁，食落每啖都有濃濃的忌廉雜菌汁，不過天使麵稍為有啲淋身。最後我地一人嗌咗一杯四季春茶，作為餐飲好高質，同外面三四十蚊一杯嘅台式飲品質素差不多。食完嘢店員都好歡迎我地繼續坐、繼續玩。所以如果想有個地方休息下、拍下拖仔、hea下，呢到的確係個不錯的選擇。💓💓💓