招點薈 (Closed) View

2個月無見 為食既吃貨小妹終於按耐唔住要約閨蜜食飯閨蜜帶我去左佢公司附近既一間西餐廳 環境企理舒適 晚上唔算太多人 正好可以慢慢食慢慢傾當晚既菜式由食開既閨蜜揸主意一見到沙津就好開心 係小妹最鐘意食,入口即溶既"粒粒芝士"沙律亦好重橄欖油既香味兩個女仔 叫兩個main course share就夠晒有驚喜既牛肝菌波菜意大利飯意大利飯粒粒分明 波菜嫩滑 牛肝菌味好香 另一個main course係慢煮煙肉雞卷配薯菜第一次食呢個配搭 好有新鮮感 將雞肉以煙肉卷住 香口又惹味薯菜除左薯仔 仲有茄子,脆玉瓜等 balance返煙肉既油膩感