丸作食茶 (Closed)

夏日炎炎，最緊要係補充水分。響中環行到熱熱哋，於是就去擺花街開左一輪嘅茶飲店《丸作食茶》，原因除左佢可愛嘅裝修外，就係佢哋新鮮整嘅珍珠tapioca 😊一見倒menu牌上嘅丸仨冬瓜檸檬🍋就被佢色彩繽紛嘅珍珠吸引，而朋友就試朱古力拿鐵。等飲品嘅時候都唔怕悶，因為可以睇倒店員整生嘅珍珠。飲品準備好後，首先我試我嘅丸仨冬瓜檸檬，茶好清新有新鮮檸檬，三色珍珠可愛得不得了❣️而口感亦非常好，非常QQ，分量十足，每一啖都飲倒珍珠。朱古力拿鐵口感輕盈，朱古力味啱啱好，唔太漏，夏天飲亦有解渴感覺。當茶店開到成行成市，我會投呢一間一票，會再度試佢其他嘢。