野玩海店 (Closed)

太子始創地庫開左新店，拉埋肥仔去食先！知道野玩系列：野玩山店、野玩田店、野玩海店，呢間海店藍色的設計，好有夏日 Feel！天花又掛左好多塊滑浪板，給人一種置身於海灘的感覺。逢星期四、五晚上8時左右仲有live band架!一點餐後就有蒜蓉包食小食點左炸軟殼蟹$78 一共有四隻，炸到表面呈金黃色恰到好處，唔會好多炸份，外脆內軟，賣相又吸引又足料。香辣波士頓龍蝦扁意大利麵 $198推介！波士頓龍蝦大過手掌！拆開半邊龍蝦肉，意粉既香辣汁完全滲入了龍蝦肉，入口彈牙，好香濃又唔辣，成個蝦鉗入面仲勁多肉！好正！美國安格斯T骨牛扒12安士黑椒汁$208味道：雖然係T骨，仲都有少少脂肪，令到肉質更有口感。好足份量，好有厚度。5成熟冇血水，配菜仲有大量豆角、粟米，同薯條，價錢合理！野玩新地 $98 選用Movenpick雪糕，一共有３大球，雲呢拿味、朱古力味、士多啤梨味，面頭放滿香蕉片士多啤梨片，仲有野莓同藍莓，賣相吸引足料！３大球雪糕都唔止$98啦!仲點左杯酒飲tim, 好似pina colada 咁~overall個環境真係100分,但可能係食seafood多既關係，價錢係中上，仲有生蠔食tim架！