Video
Read full review
2020-10-02
94 views
今個星期出開尖沙咀行街，想食下西餐，喺The One見到呢一間西餐成日都排晒隊，今晚終於人少少可以試吓。我哋兩個人叫咗一個set dinner, 入邊啲嘢都幾豐富。lobster soup濃濃嘅龍蝦味，飲落去好有鮮味。Antipasto platter 火腿加埋芝士做前菜，係我最鍾意嘅配搭。每樣火腿都有一片，鹹淡嘅火腿都可以試均晒M5 wagyu 今晚決定豪氣啲，試吓佢塊M5 牛。佢塊牛切開咗兩份俾我哋，見到入面七成熟，好香濃嘅牛味。M5 牛真係唔同啲，食落一啲都唔會話好鞋口，亦都唔會難咬，牛肉汁同埋口感都非常上盛。Truffle Chicken 我哋大家都好欣賞呢間舖頭嘅Pizza，佢嘅Pizza個餅底做得好香口，唔係一般食落去好似餅乾底嘅Pizza，如果嚟呢間餐廳食飯真係一定要食佢嘅Pizza。今次我哋揀咗雞肉，啲雞烤得好香加埋芝士，仲有火箭菜，啖啖肉味之餘配合沙律菜嘅新鮮，係一個好好嘅配搭。Dessert甜品係窩夫，不過不失，整體唔錯。之前食過將軍澳嘅分店，今次食埋尖沙咀，真係佢好想去開多啲分店，等我可以行過一間就食到。
lobster soup
濃濃嘅龍蝦味，飲落去好有鮮味。
Antipasto platter
火腿加埋芝士做前菜，係我最鍾意嘅配搭。每樣火腿都有一片，鹹淡嘅火腿都可以試均晒
M5 wagyu
今晚決定豪氣啲，試吓佢塊M5 牛。佢塊牛切開咗兩份俾我哋，見到入面七成熟，好香濃嘅牛味。M5 牛真係唔同啲，食落一啲都唔會話好鞋口，亦都唔會難咬，牛肉汁同埋口感都非常上盛。
Truffle Chicken
我哋大家都好欣賞呢間舖頭嘅Pizza，佢嘅Pizza個餅底做得好香口，唔係一般食落去好似餅乾底嘅Pizza，如果嚟呢間餐廳食飯真係一定要食佢嘅Pizza。今次我哋揀咗雞肉，啲雞烤得好香加埋芝士，仲有火箭菜，啖啖肉味之餘配合沙律菜嘅新鮮，係一個好好嘅配搭。
Dessert
甜品係窩夫，不過不失，整體唔錯。
之前食過將軍澳嘅分店，今次食埋尖沙咀，真係佢好想去開多啲分店，等我可以行過一間就食到。
Post
