Bookmark左好耐既Pizza Maru, 網上睇相見d Pizza好吸引！知道元朗Yoho開，仲要係Petfriendly, 原先6月頭開個陣試過黎一次，去到門口見到成30+人等攞飛已掉頭走嚕。
上星期五，大概18:00黎到，門口已經有大概8-10人等攞飛。 餐廳入邊仍然有好多位的。眼見得1個人係門口counter serve, 攞飛/帶位/落外賣！ 但其實餐廳裡有好幾位侍應係企係到，冇乜嘢做。個人應為帶入餐廳應又另一位同事跟進，例如攞左table number, 客人入去搵個侍應帶路。
今次同毛孩黎，原來戶外位係直接自己出去搵位，之後黎門口counter落外賣 😦 我地仲傻下傻下排隊等攞飛。
1
室外有個Pet Corner ，可等野食時俾毛孩跑下。
環境係舒服既，不過應該餐廳個食牌不包戶外，所以完全冇service😢只係可要求提供水，用膠杯裝。
Sun Tomatoe Chicago $207
好欣賞個Pizza Dough, 厚底得黎又夠fluffy。 不過芝士既份量就冇我相像中咁多，唔係好做到個流心拉絲效果😂同埋Menu寫係Pepperoni，但其實只係用左切片腸仔😏 冇左平時一般pepperoni應有既 chili & smoky 味。不過整體成個Pizza都係好味既！
Honey Garlic Chicken 6pcs $123
甜甜地，好香既蒜蓉味！ 上菜時有點失望既係$123 6隻，原來全部係雞鎚既size! 我以為會有d雞髀/雞上髀 😕 唔抵食
Calamari $93
紫蘇味好淡，唔係好食到。個Batter好林，炸得唔香脆。失望🙈
總括來講，可能將來會再叫個pizza外賣既。但不值得排1個多鐘隊食。因其他既菜式都唔抵食。同埋Yoho其他餐廳都可戶外serve客人，唔明白點解Pizza Maru唔攪好個牌😔 俾得呢個價錢食，應該要享受到用正常餐具同service。
P.S 戶外寵物位policy可能隨時會更改，建議去之前打電話問清楚。因近排網上見到有人話寵物只可下午茶時段去？😳😳 如去到先話唔俾入，會另主人+毛孩白行一趟，及好失望。
