My Ahjussi (Closed)

作為韓國愛好者嘅我，最近冇得去韓國旅行，就唯有去身處喺香港嘅韓國餐廳一解思鄉之苦。 呢間舖喺屋企附近，平時行過見到入面粉紅色而充滿少女心嘅裝修都已經好吸睛，感覺好啱同閨蜜黎打卡一聚。餐廳整體氣氛都好舒服，現場一路有播韓國音樂，加埋啲韓國野食，真係置身於韓國咁。 我同朋友两個叫左個pizza, 炸雞同個韓式懷舊飯盒。整體黎講對呢度嘅食物有啲失望，pizza同炸雞個質素感覺同廉價pizza品牌差唔多，份量又唔算多，單叫一份都未必夠飽。而個飯盒都係拎黎作打卡用途，其實都係一個普通韓式拌飯，料又唔係多。總結呢間舖最值得嘅位就係佢個環境，對食物就唔好抱太大期望啦。