Pho 778 (Closed)

今天放工，幫同事拎D野回家，佢住在灣仔道保和大厦，同事好客氣，請我在佢樓下的一間店鋪食越南菜，名叫Pho 788，店鋪地方不大，但同事說好多時經過見到多人排隊，食物的質素一定有返甘上下，而且同事食過也讚好，今晚特意請我試試！店舖雖然比較細，但都好整潔。越南網絲春卷：酥脆香口又惹味！湯粉備用，銀芽和九層塔，客人可以按自己喜好加入湯粉，增加香味和口感。香茅豬扒湯河粉：豬扒入味帶口感，滑滑的河粉配鮮甜濃郁的湯底，十分美味！香茅雞扒湯河粉：雞扒煎至金黃色，外脆肉嫩，放入湯中，吸收湯的鮮甜精華，更惹味！香茅豬扒越式法包：法包烤得好脆，香茅豬扒入味，加入了新鮮蕃茄、生菜和酸羅白絲，很美味！套餐加15元就有小食和飲品，越式蔗蝦和香茅蝦餅：蝦肉鮮甜彈牙，蝦餅外層非常酥脆，點些酸甜醬更惹味！