Outback Steakhouse (東薈城名店倉)

Open Now

Now Closed

等咗好耐，東涌終於有outback，唔駛出荃灣。新開張等唔切去試。撞正商場開幕，人多就一定啦，不過整體等咗10幾分鐘唔算耐。甫坐低就好快上麵包，一如既往，香軟黑糖包，好味轉頭就上埋set lunch d湯同沙律，粟米忌廉湯好濃郁好好味，但個沙律就有啲hea。叫咗個香辣燒蝦飯，有啲失望，啲蝦燒得略燶，個飯...有啲硬，似係隔夜飯，口感不太好。另外叫咗意大利香草牛肉三文治，麵包出乎意外好食，不是很硬的法包，而是香脆鬆軟！十分香口！牛肉有肉汁，好juicy，好味更抵贊係杯咖啡配嘅奶，唔係一般奶，係發咗泡嘅奶，好有心思。店員亦詳盡介紹會員計劃，雖然人多，服務亦算良好。